Зургаан аймгийн хамтарсан хээрийн дадлага сургуульд хамрагдав

Увс аймгийн Завхан сумын Хяргас нууранд 2016 оны 09-р сарын 21-24-нд зохион байгуулагдсан хээрийн дадлага сургуульд  Архангай, Баян-Өлгий, Говь-Алтай, Завхан, Увс, Ховд аймгуудын Онцгой байдлын газрын нийт 98 албан хаагч 13 автомашин техниктэйгээр оролцжээ.

Хээрийн  дадлага сургуулийг Штабын дадлага, Марш  тактикийн бэлтгэлжилт, Уснаас эрэн хайх аврах ажиллагаа явуулах, Ой хээрийн болон объектын гал түймрийн талаар туршлага солилцох хэлэлцүүлэг гэсэн 5 төрлөөр зохион байгуулсан байна.

Мөн хөл бөмбөг, олс таталт, шатар, даам, элсний волейбол, гар барилдааны нөхөрсөг тэмцээн зохион байгуулагдаж Архангай аймгийн ОБГ-ын баг тамирчид амжилттай оролцож хөлбөгийн тэмцээнд дэд байр, олс таталтын тэмцээнд тэргүүн байранд шалгарлаа.