Аймгийн аварга шалгаруулах“Өсвөрийн аврагч-2016” тэмцээн зохион байгуулав

Аймгийн Онцгой байдлын газраас Дэлхийн зөн Монгол олон улсын байгууллагатай хамтран 19 сумын ерөнхий боловсролын сургуулийн сурагчдын дунд “Өсвөрийн аврагч-2016” тэмцээн зохион байгууллаа.

Уг тэмцээнийг жил бүр уламжлал болгон зохион байгуулж сурагч хүүхдүүдийн бие бялдрыг хөгжүүлэх, онцгой байдлын албыг сурталчилан таниулах, гамшгаас өөрийгөө болон бусдыг аврах ажиллагаанд сургаж дадлагажуулах, анхан шатны мэдлэг олгоход чухал ач холбогдолтой юм. Тэмцээнийг 2 үе шаттайгаар зохион байгуулж эхний шатанд сурагчдад гал түймэр, газар хөдлөлт, химийн бодисын аюул, мал амьтны халдварт өвчнөөс урьдчилан сэргийлэх, анхны тусламж үзүүлэх мэдлэг олгох 5 цагийн сургалт зохион байгууллаа.

Тэмцээнд 13-н сумын Ерөнхий боловсролын сургуулийн ахлах ангийн 19-н багийн 114 сурагч тэмцээний 8 төрөлд өрсөлдсөнөөс

-Тэргүүн байранд Эрдэнэбулган сумын 4-р сургуулийн “Аврагч клуб”

-Дэд байранд 2-р сургуулийн “Ирээдүй аврагч” баг

-Гуравдугаар байранд 3-р сургуулийн “Аврагч” баг

Тусгай байранд Хайрхан сумын ЕБС-ийн “Шонхорууд” баг тус тус шалгарч цом, өргөмжлөл, медаль, үнэ бүхий зүйлээр шагнагдлаа.

“Өсвөрийн аврагч-2016” тэмцээний бэлтгэл ажлыг хангах байр эзэлсэн сурагчдад шагнал олгох, сургалт явуулахад шаардагдах санхүүжилтын 3.2 сая төгрөгийг Дэлхийн зөн, Архангай-1, 2 олон улсын байгууллагаас шийдвэрлэлээ.