Өвөлжилт хүндэрсэн сумдад нарийн мэргэжлийн эмч нарын баг ажиллаж байна.

Аймгийн Засаг даргын захирамжаар цас зудтай Тариат, Хангай, Цахир, Өндөр-Улаан сумдын алслагдсан багийн малчдад эмнэлгийн тусламж үйлчилгээг газар дээр нь үзүүлэх, эм тариагаар үйлчлэх, өвчлөл хүндрэлээс урьдчилан сэргийлэх, тулгамдсан асуудлыг зохих газруудад уламжлан хариу арга хэмжээ авах зорилгоор Онцгой байдлын газар, Эрүүл мэндийн газар, сумдын эмнэлгийн эмч, мэргэжилтэн нараас бүрдсэн таван ажлын хэсгийг ажиллуулахаар шийдвэрлэсэн. Ажлын хэсгийн бүрэлдэхүүнд ОБГ, Нэгдсэн эмнэлгийн дарга удирдлагууд үүрэг чиглэл өгч, орон нутгийн хэвлэл мэдээллийн хэрэгслээр иргэдэд мэдээлэл хийлээ. Дээрх сумдад томилогдсон бүрэлдэхүүн 2016 оны 02 дугаар сарын 17-20-ны өдрүүдэд ажиллана.